دا مجله د ټولنیزو علومو په برخه کې خپریږي او موخه یې د څېړنیزو پایلو خپرولو په پروسه کې د اسانتیا رامنځته کول دي. د کابل پوهنتون د علمي څېړنو معاونیت اړوند د علمي مجلو او ژورنالونو آمریت له قانوني پلوه مسؤولیت لري چې د دقیې بیاکتنه او داوري پروسه (Double Blind Peer Review) ترسره کړي. دا کار ځکه ترسره کیږي ترڅو ډاډ ترلاسه شي چې ټولې مقالې د کیفیت، اصالت او نوښت له پلوه د ټاکل شویو شرایطو او معیارونو سره برابرې دي.
د کابل پوهنتون د علمي څېړنو معاونیت اړوند د علمي مجلو او ژورنالونو آمریت استادانو، څېړونکو او فرهنګیانو ته د دې آمریت په علمي مجلو کې خپرو شویو مقالو ته د اسانه لاسرسي ډاډ ورکوي. دا مجله عملاً فعاله ده او په درې میاشتنۍ بڼه په انلاین ډول خپریږي.
د ادبي غلا په اړه موږ سخته پالیسي لرو. که په یوه مقاله کې ادبي غلا وموندل شي، هغه به سمدستي رد شي او د هغې لیکوال نوم به یادداشت شي. که همغه لیکوال د دویم ځل لپاره بیا د ادبي غلا مقاله راولېږي، د مجلې کتنپلاوی به د هغې لیکوال ټولې راتلونکې مقالې په اوتوماتیک ډول رد کړي.