دا مجله د ټولنیزو علومو په برخه کې خپریږي او موخه یې د څېړنیزو پایلو خپرولو په پروسه کې د اسانتیا رامنځته کول دي. د کابل پوهنتون د علمي څېړنو معاونیت اړوند د علمي مجلو او ژورنالونو آمریت له قانوني پلوه مسؤولیت لري چې د دقیې بیاکتنه او داوري پروسه (Double Blind Peer Review) ترسره کړي. دا کار ځکه ترسره کیږي ترڅو ډاډ ترلاسه شي چې ټولې مقالې د کیفیت، اصالت او نوښت له پلوه د ټاکل شویو شرایطو او معیارونو سره برابرې دي.
د کابل پوهنتون د علمي څېړنو معاونیت اړوند د علمي مجلو او ژورنالونو آمریت استادانو، څېړونکو او فرهنګیانو ته د دې آمریت په علمي مجلو کې خپرو شویو مقالو ته د اسانه لاسرسي ډاډ ورکوي. دا مجله عملاً فعاله ده او په درې میاشتنۍ بڼه په انلاین ډول خپریږي.
د کابل پوهنتون د ټولنیزو علومو علمي- څیړنیزه مجله د ټولنیزو علومو، ښکلو هنرونو، حقوقو او سیاسي علومو، اقتصاد، ادارې او عامه پالیسۍ، ارتباطاتو او ژورنالیزم، کورنیو او بهرنیو ژبو او ادبیاتو، شرعیاتو او روانپوهنې په برخو کې فعالیت لري. دا مجله د ټولو هغو پوهنځیو څخه چې د ټولنیزو علومو په ساحه پورې اړه لري، معیاري او علمي مقالې مني.